موضوع الساعة

(besbes) بعد الافتتاح المهول لبلوج الحاج محمد (اللي هو انا) والشهير بـ

للاسف مهي خلاص بقيت رسمي وخلاص بقيت ببكتب كده في كشوفات الكليه ( الرقم: 66، اسم الطالب: بسبس)

وفيه ناس شافت بعينها .. يلا ما علينا ويسامح اللي كان السبب

انا بقي حاتكلم النهارده عن موضوع الساعة .. مش الساعه اللي بعد فيكتوريا ولا الساعه البلد ولا الساعه اللي ف ايدك بلاش ذكاوه ..

(Valentine day) والموضوع هو الـ

وللاسف اللي مقضيه لوحدي السنادي وشكلي حقضيه كده علي طووووووول .

والفالنتين داي زي متقال في موسوعة عبد المجيد الصحاح - والنبي حد يبقي يسالي هو مين عبد المجيد ده-

"سمي يوم الفالانتاين أو عيد الفالانتاين تيمنا بشهيدين اسمهما فالانتاين ، وقد أرتبط هذا اليوم بالحب والرومانسية منذ العصور الوسطى وذلك بعد أن انتشرت فكرة الحب الغزلي . و في هذا اليوم يتم تبادل الرسائل الغرامية ، وكروت المعايدة ذات الطابع الرومانسي"

حب .. غزل .. رومانسية .. يعنى ايه الكلام ده ..

معقول مش عارفين .. مممممم مهو ده نتيجيت تفانيكم في الدراسة واهملكم لحياتكم وشبابكم اللي حيفوت وانتو مش حاسيين .. يلا حقولوكو ايه معناه وامري لله ..

بيقولك الحب هو إحساس بالأنجذاب نحو شخص ما و قد ينظر إليه على أنه كيمياء متبادلة بين أثنين

Genetic Algorithm وده نتيجة ايه .. مجال مغناطيسي .. ولا يمكن الـ

اللي شغال ،، وايه الكيميا المتبدله دي غير الكميا العضويه

يادي النيلة مجال مغناطيسي ايه وهباب ايه .. يابني ركز يعني تحس بالأعجاب والحب اتجاه شخص معين

ممممم ايوه قولي كده .. انا بقي عن نفسي بحب الواد كيمو جداُ .. كيمو ده اخ عزيز عالينا كلنا

يخربيت غبائك .. حد يمشي الواد ابن الـ ..... تيييييييت ...... ده من قدامي .. مش ناقصاه .. ركزوا انتو معايا وسيبوكو منو ..

اكيد كده معنى كلمة (حب) وصلت .. واللي مفهمش او محسش بيها قبل كده يحصل اخينا اللي لسا ماشي ده.

اوكي احنا معاك كمل

تاني حاجه بيقولك بقي يا سيدى (غرام )يعنى ذكـ...،،

هو مين اللي بيقولي ده

اللهم طولك يا روح .. قولنا عبد المجيد .. وانت يواد متقطعنيش تانى

بيقول (غرام) يعنى ذكر الصفات الجميلة للمحبوب للتودد إلية وفي المعجم الوجيز بيقولك ايه بقي "الاسم غزل غزلاً فهو غزالة" ..

Session هو حضرتك ممكن تتفق مع د.عبد المجيد ده يجي يدينا

عن الموضوع ده

ولا قوم من هنا وحصل اخوك

sessionها يا جماعة وصلت ولا لسه .. اللي لسا مفهمش يحصل الواد ابو

ده

اوكي احنا معاك كمل

تالت حاجه (رومانسية) للاسف الكلمه دي ملقتهاش في معجم عبد الحميد ولا مختار ولا حد من اهاليهم خالص .. بس عن خبرة الرومنسية هي مفاجئه من تحب بفعل الاشياء العاطفية وتضفي شىء من الخيال علي الحب فلا يشعر كلا الطرفين في ذلك الوقت بما يدور حولهما وكائنهما اصبحوا روح واحده

ايه الكلام الجامد ده .. يواد انت يا بتاع يضفى

امال ايه يبنى .. يعنى بختصار كده مممممم اقولك انت شوفت تايتانك

لا والله العظيم مشفت تاتانك ولا اعرفو

يادي الخيبه .. طيب تعرف روميو وجوليت

اه تقريباً سمعت الاسماء دي قبل كده بس مش فاكر فين .. خير ملهوم دول

اعمل ايه فيكم بس .. حسبي الله ونعم الوكيل .. يبنى مش ساعات بتبقي سارحاااان كده مش داري بالدنيا وقاعد كده تفكر ف حاجات كده

ههههههههه .. متقول كده .. سراحان .. اه ده بحصلي بعد امتحانات الترم ببقي سرحان بتخيل انى بقتل الدكتور ده و بجلد الدكتور ده و بشنق الدكتورده دي

هىءهىءهىءهىءهىءهىءهىءهىءهىء والله قلبت عليا المواجع .. يلا حسبي الله ونعم الوكيل فيهم .. خالينا في موضوعنا

مش ساعات كده تعد تخربش علي الشجرةاللي جنب بتكوم اسم اللي بتحبه جوه قلب و كده وتعد تتخيل اللي انت قاعد معاه وبتكلمه وكده

احنا معندناش شجرة جنب بتنه

امشي ياد من هنا نفختنى .. فليعدم هذا الغبى رامياً بالبلغ

ها يا جماعة انتو لسه معايا ولا فصلتوا

انا معاك .. وفهماك .. وحساك

ايه ده انتى مين .. هو انتى هنا .. اصل آآآآآ عشان آآآآآآآ

الله يخرب بيتك لسان .. منتا كونت زي البرابنت من شويه - هو يعنى ايه برابنت دي -

وهو ده فعلاً اللي بيحصل انك تلاقيك لوحدك اخيراً وجهاً لوجه مع من تحب .. هو الوحيد اللي فضل معاك للنهاية .. بعد مجميع الناس اللي مش فهمه معني الحب او معاندهاش قلب مماشت .. وتلاقي نفسك ساكت متعرفش تقول حاجه .. وعنيك بتقول كل حاجه..

ارجو يكون كلامي وصل واتفهم .. الفلانتين مش دباديب و ارانيب وبس .. ده شعور وعاطفه و رومانسيه..

ولكن اللي زي حلاتى خلاص مفيش فالنتين ولا بطيخ ..

ان قررت يوما ان تترك حبيبا....فلا تترك له جرحا...فمن اعطاك قلبا..لايستحق ان تغرس فيه سهما